موقع كود: معطيات خطيرة لمسؤول إماراتي يجتمع في الرباط بمدراء نشر صحف لحثهم على انتقاد الحزب الحاكم

948

كشف الزملاء في موقع “كود” عن معطيات مثيرة حول لقاءات مشبوهة بين مسؤولين إماراتيين وسعوديين بمسؤولي بعض الصحف والمواقع المغربية، بل الطامة الكبرى والأخطر هو أن مسؤولا إماراتيا رفيع المستوى اجتمع بمدراء بعض الصحف المغربية هنا في العاصمة الرباط، وحثهم على تلميع صورة حاكم أبو ظبي محمد بن زايد كما حرضهم على مواجهة الحزب الحاكم بالمغرب (العدالة والتنمية) ذي التوجه الإسلامي وهو التوجه الذي يكرهه حكام الإمارات، وكل هذه التحركات المشبوهة تأتي أياما قليلة فقط بعد تحذير السلطات المغربية على لسان وزير الخارجية ناصر بوريطة كلا من السعودية والإمارات من مغبة اعتبار المغرب بلدا ينفذ أوامرهما وخاطبهما بلهجة غير مسبوقة بأن سيادة المغرب خط أحمر وأن التعاون بين المملكة وهذين البلدين يجب أن يقوم على مبدء التشاور.

تقرير “كود” أورد أن “هاد لكلام غير المسبوق فتاريخ الدبلوماسية المغربية مع دول “ديما كيقولو لينا راها شقيقة واخوية وووو” كيعني تغيير جذري. علاش وصلنا لهاد الشي. وزاد “هاد الشي وصلنا ليه بعد ما رفضات دولة محمد بن سلمان =السعودية ودولة محمد بن زايد =الامارات تتخلى على التدخل فالشؤون الداخلية للمغرب.

نبداو بالامارات، يورد التقرير، هاد الدولة ضربات المغرب ضربة قاصحة فالملف الليبي. برعاية اممية توصلات الاطراف المتناحرة في ليبيا لاتفاق وقف فالصخيرات وسمي باسمها وتشكلات حكومة وفاق وطني. الامارات كتدعم الجينرال حفتر زعيم الجيش الوطني الليبي اللي كيقول باللي قرب يطيح العاصمة ويطرد حكومة الوفاق الوطني اللي خرجات من اتفاق الصخيرات. هادا موضوع اخر نرجعو ليه ف”كود” فمقال لاحق.

المهم هاد الملف ضربة للمغرب. ضربة كبيرة لاتفاق الصخيرات. الامارات ما دارتش غير هاد الشي. مشات جات وكالات فيهم مغاربة ومغربيات وخدماتهم ميرسونير. هدفهم تحسين صورة بلاد محمد بن زايد فبلادنا. فهاد السياق كانت شوهة استدعاء مدراء نشر مغاربة مع مسؤول بوزارة الاتصال للعيد الوطني لهاد البلد وفيها دار مسؤول اماراتي اجتماع وآمر المدراء يديرو حملة ضد حزب العدالة والتنمية. تصورو فين وصلات الوقاحة فهادو ولاد اللادينا. يدخلو لينا فالشؤون الداخلية. المغرب دار اختيار وهما مدخلينا فمخططهم.

وفق مصدر لـ”كود” فان تدخلهم فالاعلام فات الحدود. وفق معطيات حصلت عليها “كود” فان الاماراتيين شراو غير خمسين فالمائة من اسهم مؤسسة اعلامية ب3 مليون اورو. واييه. هاد الشي بلا ما نهدرو على مؤسسات بحال “مؤمنون بلا حدود” اللي خدامة فالمغرب وهاد الشي كنا شرنا ليه ف”كود“.

السعودية بدورها لاعبة نفس اللعبة ولكن موظفة الدين والفن. جات هاد الرغبة فانتاج 15 مسلسل مغربي او فيه نجوم مغاربة من قبل هيئة الترفيه اللي كيرأسها هاداك الغبي ديال تركي ال الشيخ اللي كان فهيئة الرياضة وصوت لصالح امريكا باش كنا فالمغرب كنتنافسو معاهم على تنظيم مونديال 2026. تركي ال الشيخ وهاد الشي حضرات ليه “كود” فموسكو. دار فطور =حقاش كان رمضان ديك الساعة= وعرض على اتحادات ديال بلدان اسلامية باش يدفعهم للتصويت على امريكا. دابا هادا خدام باش يجيبو سيناريوهات لافلام. باغيين النجوم لمغاربة يتوظفو فتحسين صورة هاد محمد بن سلمان الخايبة منذ اتهامه بتقطيع جثة الصحافي جمال خاشقجي فقنصلية السعودية فاسطمبول.

فالدين ووفق معطيات حصلت عليها “كود” فان اتباع بن سلمان كلف شركة خاصة تقلب ليه على علماء دين مغاربة مؤثرين يكونو بوق هاد ولي العهد. لفلوس موجودة. نفس العملية كان داروها مع الصحافة باش وقعات جريمة تقطيع جثة خاشقجي.

المغرب ماشي غير السعودييين والاماراتيين اللي كيدخلو فشؤونو الداخلية وباغيين يركعوه وولي بحال شي كليب. يرجعوه بحال مصر. كاينة دولة خليجية اخرى داخلة للاعلام فالمغرب. هاد الدولة هي قطر. فالحقيقة المغرب دافع ثمن عدم اصطفافو لا مع هاد الدولة ولا مع لخرا فحرب دايرة بين ملكيات الخليج. السعودية والامارات من جهة وقطر من جهة اخرى.

قطر ما داخلاش بشكل مباشر فتمويل مشاريع اعلامية قريبة من الاخوان المسلمين. قطر دايرة نظام فشي شكل. كتعطي لفلوس لمؤسسات ومراكز تدعي الدفاع عن حرية الصحافة كاين فقطر فاسطمبول ….. وهاد المؤسسات كتعاون مع مؤسسات اخرى اللي كتوصل لفلوس للصحف المغربية مواقع وغيرها.شوفو غير اللي كيمشي لاسطمبول من مدراء المواقع والصحف ولقطر ومع من كيتلاقى غادي يبان هاد الشي. كاينة معطيات على انهم ورا مؤسسات يالله خرجات ولا قريبة تخرج. عاطيين فلوس كثيرة.

وخلصت موقع “كود” بالقول أنه “دابا الدولة فهاد الشي فين. علاش كيتفرج. علاش ما توقفش هاد لقواديد عند حدهم. اييه عندهم فلوس كثيرة واييه قويين بزاف ولكن ممكن ياكلو لعصا بزاف”.

الناس

اترك رد

لن يتم نشر عنوان بريدك الإلكتروني.