زجل: عبدالإله حنون
الزغبي زغبو
الزمان في اليابس أولخضر
ماخلا بلاد أوعباد
ماخلا كرامة أولوقر
بغيان أوطغيان هذا
أوكان حينت صوتو عبر
قال لا للوراثة في لحكام لا لثالث هتلر
على شعب مسكين
عانا بزاف في الصبر
زمو لفام بالكمام
حتى صوت مايهضر
أوهما حگا كينشرو
السلام حفارين لقبر
لبنادم أوهو حي
المزيد من المشاركات
والعالم كيشوف بالمباشر
لاعبين لعب الديب في صيفة غزال متنكر
حجبو الشمس أودارو
لغمام أوجابو بات الشر
المغتصبين بلاد هم
بزز إغتيلات وغدر
لوكان الخوخ يداوي كون داوا راسو لعور
الزغبي زغبو الزمان
ماحيلتو لولادو ولا
حيلتو مع آقلوب لحجر
ألي مانافع معاهم
كلام إلا لمقاد في الصدر
محاربينهم بالممنوع أوتحراف الحقيقة آتزور
آشحال قدكم منو أغنو
في ظلم لعباد تتجبر
لابد لخلاص من قاضي لعباد تتزمر